Faja Lobi ke sala ngolo na kumanisa mupepe ya tiya-tiya na kukunda bamfinda.

Faja Lobi ke na ba-projet mingi ya kubongisa nziunga ti luzingu na nsi ya Congo Démocratique. Ti ngindu na beto ya kukunda bamfinda ti kusala bilanga nkatu kubebisa yo, beto ke sala na kinzonzi na kumanisa mupepe ya tiya-tiya na nziunga ya bantu. Kugonga ya bantu ke nwanisa ngembama na zulu ya ntoto. Luzingu ti bisalu ya bantu ke bebisa ntoto, banti ti matiti. Bantu mingi ke katuka na mabwala sambu na kuzinga na ba-ville mbandu Idiofa. Ba-ville yina kele ve ti mafwana ya kuyamba bantu : banzo to bisalu, ye yo mpi ke zwa ve nsadisa ya luyalu ya nsi sambu na kuyamba bantu yonso yina. Mvwalangasa ke kikuma ya kukonda bisalu, banzo ti bimbeni sambu na ntoto. Na mutindu yina, mavwanga ke kotila bantu mutindu na mutindu. Na ndambu ya ba-ville : ngindu na beto ya kusimbisa bikalulu ya bandinga, ya kulonga, ya mumbongo ti ya mavimpi, yonso yina ke tomisa luzingu ya bantu. Na ndambu ya mabwala : ngindu na beto ya kukunda bamfinda ke simbisa ntoto na bampila mingi nkatu kubebisa yo.

FajaLobi me kunda banti na kati ya ba-hectare 2.700 na ngonda ya iya ya mvula 2020 ye yo me kubaka lukanu ya kusala kisalu yina na ba-hestare 50.000. Bamfinda yai ya mpa kele kuyela na zulu ya bangumba ti na banseke ya Idiofa. Kukunda mfinda na bifulu yina kele mfunu mingi nde ntoto kukuma ve ntoto ya makanga. Kana beto kulangidila ntoto mbote nkatu kutula tiya mpamba-mpamba, bamfinda yina ta vutula kimvwama na nima ya bamvula 50 to 80. Na ntangu ya beto ke kunda bamfinda ya mpa sambu na kusadila yo, bamfinda ya nene ya ntama tamana ve na kati ya Congo Démocratique. Ye na nsuka, bamfinda yina yonso ya nene ti ya mbalu kele ti mfunu nde bantu kubumba yo mbote ye kusadila yo mpi mbote. Nsi ntoto ya Congo Démocratique ikele nsi ya zole (2ème) na yina me tadila bamfinda.