Faja Lobi ikele mfunu mingi : kuvukisa, kutula ngemba ti kuvanda kifulu ya kubenda bantu ya mabwala na nzila ya bisalu ya kutoma.

Beto ke pesa bisalu na population ya mabwala na kulungisa bangindu to programme na beto. Lisanga na beto ikele mutindu mosi ve bonso ba lisanga ya nkaka ya ke pesaka bisalu na bo na bantu ya me katuka na mputu. Sesepi yai, beto ikele ti bantu ya kisalu 380 ya me katuka na mabwala sambu na ba-projet na beto. Mbongo ya Faja Lobi mumfinama 80% ikele sambu na mambote ya bantu ya kisalu. Disongidila lufutu to salaire, madia ti mbongo ya bana na bo ya nzo-nkanda. Kusimbisa bantu ya mabwala kele mabansa na beto ya mbalu-mbalu. Beto ke kotisaka ve na bisalu na beto ba-tracteur to ba-machine ya mutindu na mutindu sambu nde bantu na beto mosi kukipesa na bisalu. Diaka, beto ke sadisa na kutula ntalu ya kufwana ti kutunga bisika yak e mfunu sambu na luzingu, mumbandu kutunga nzo-nkisi : dispensaire to hôpital, Cybercafé, kisalu ya mabaya, kisalu ya bilele ti mpi kisika ya kudia to restaurant.