Na bilumbu ti bangonda ke kwisa, Faja Lobi ke zola kukunda bamfinda ya mpa na ba-hectare 50.000 mfinama to pembeni ya Idiofa.

Faja-Lobi ke sala bisalu na yo mfinama to pembeni ya Ville ya Idiofa (Province ya Kwilu na Congo Démocratique). Na nsi yai RDC, bikalulu ya bambuta sambu na bilanga ikele kuzenga banti na mfinda ye kuyoka yo tia ti bimenina ya nkaka, na mpila nde bankwa bilanga kuzwa mpila ya kukunda madia na bo. Kana nde mafuku « to engrais » me mana na bifulu yina, bo kwenda na bifulu ya nkaka ya pembeni na bilanga, busungu to kuyaba mbisi ya masa. Bikalulu ya mutindu yina ikele belumuna mabengi na ntoto ye yo ke bebisa bimenina. Faja Lobi ke sadisa na kubalula mabansa ya bantu na mabwala sambu na kubumba bamfinda ti banseke ye na kusala mumbongo (économie) nkatu kubebisa mfinda, nseke ti ntoto. FajaLobi ke wakana ti bantu ya mabwala sambu na ngindu yina. Kansi na bimvuka ya nkaka ya kele nata mpi nsadisa, bo ke landa ntete ba-interet na bo ye mbongo na bo ke manaka na bisalu ya « conseil » ye mpi kana bisalu ikele diaka ve. Na nima, bo ke kwenda kusosa bifulu ya nkaka nkatu kuzaba yonso ya ta bika kusalama na nima... Kansi FajaLobi ikele ve ngindu mosi ti bo. Beto ikele kotisa mbongo na kukunda banti ye kuyedisa bamfinda yina ya mpa. Konso muntu lenda kutala bisalu na beto na carte to kifwanisu yai awa na nsi.